出去social “你係E人定I人”可以話係慣用話題之一☝️，其實MBTI係一種令到大家可以很好地認識自己嘅方法，同時，我哋亦可以借助MBTI去揀「H按」or「P按」。
至於點樣揀，今期小編會從MBTI中嘅「E人」和「I人」去同大家釐清楚，等大家作出適合嘅選擇✅。
🔻「E人」和「I人」分別對應MBTI人格測驗中的兩種大類型
E人性格外向，鍾意刺激同變化
I人性格內斂，鍾意穩定同可預測性
🔻銀行一般會為按揭申請人提供「H按」及「P按」，隨申請人自由選擇
「H按」係指以銀行同業拆息(HIBOR)為基準嘅按揭計劃，按揭銀行計算「H按」利率的方式是以拆息利率（H）為基礎，再加上指定的百分點，計算方式為：HIBOR+固定點子。
例如：銀行的拆息利率（H）為0.70％，而銀行指定百分點為1.3％，則置業人士需支付的利率是0.70％+1.3％=2.00％。
💡利率隨市場走勢而每日調整，波動性較大，借款人嘅每月按揭供款金額可能略有不同。為避免按揭供款突然飆升，銀行一般會設定「鎖定按息上限」，也就是俗稱的「封頂息率」或「CAP RATE」。
「P按」係指以最優惠利率（PrimeRate）為基準嘅按揭計劃，計算方式為：最優惠利率-固定點子。
例如：按揭計劃的息率為P‑2%，而當時最優惠利率為5.5%，實際按息為5.5%-2%，即實際利率為3.5%。
💡本港的P在大多數情況下與美國軌跡同步，美國加息時，香港加息；美國減息時，香港亦減息。但相對H按穩定性較高，變化較小，變化周期亦較慢。
睇到呢度，唔知你心入面有答案未呢？小編作一個簡單嘅總結：
👉如果你係尋求刺激嘅E人，鍾意波動較大嘅利率，H按會更適合你
👉如果你係追求穩陣嘅I人，鍾意每個月還款相對固定，P按會更適合你
總而言之，揀按揭計劃，適合自己最緊要，不妨將你嘅需求交俾我哋專業嘅按揭顧問喇！
