前排各社交平台都見到好多人講：「涎鎮啊」 同埋 「西班牙」嘅話題，【黑暗榮耀】入面嘅惡人結局最令觀眾痛快嘅一定係涎鎮由每日喺電視台報天氣，墮落到要喺鐵窗入面報天氣，嗰一場戲真係令人大快人心！而小編其實都成日為大家報導㗎，只不過小編報嘅唔係天氣，係「Hibor」！而「Hibor」嘅中文就是「香港銀行同業拆息」嘅呢~
「香港銀行同業拆息」其實係香港嘅銀行與銀行同業之間拆出、借入資金嘅息率
計法係由銀行公會委任嘅12至20間報價銀行嘅報價中，剔除最高嗰3個同埋最低嗰3個，之後得出中間數值嘅平均數。銀行公會喺每個銀行營業日嘅上午11時15分就會公布個息率出嚟。
因為銀行同業間拆出、借入資金嘅時間期限，短到「隔夜」又得，長到「一年」都得，所以銀行公會公布嘅Hibor都分為「隔夜拆息」、「一年期期拆息」等等。不過，唔使覺得混亂，因為供樓人士最最最需要留意嘅，就只係「一個月銀行同業拆息」！因為市場上絕大部分銀行嘅「H按」按揭息率都係以此為基準嘅。
其實除咗銀行公會公布嘅銀行同業拆息(Hibor)之外，滙豐銀行同恒生銀行都有自己嘅Hibor基準嘅，但只有由呢兩間銀行自己承造嘅「H按」計劃，先會用到佢哋自己嘅Hibor去計算按息
咁實際上，「H按」嘅按揭息率係點用「hibor」計出嚟嘅呢？就係喺銀行同業拆息(Hibor)之上加多一個特定嘅利率，例如「H+1.3%」咁；同時設有「鎖息上限」，鎖息上限就係將銀行「最優惠利率」(P)再減一個特定嘅利率，例如「P-2.5%」咁
假設當日「一個月期Hibor」係3%，而銀行「最優惠利率」(P)係5.875%
「H按」按息就等於3%+1.3%=4.3%，而鎖息上限就係5.875%-2.5%=3.375%；喺呢個例子上面，由於按息高過「鎖息上限」，所以最終會用鎖息上限封頂位嚟計算
由於港元同美元喺聯繫匯率制度下係掛鉤嘅，「本港銀行同業拆息」嘅走勢一般都會跟隨美元息率。
所以一旦進入加息周期，Hibor高企，揀用「H按」按揭計劃嘅人士，就分分鐘要用鎖息上限嘅利率去供樓喇。
如果銀行調高最優惠利率(P)
如果銀行仲調高埋最優惠利率(P)嘅話，由於「H按」嘅鎖息上限係以「P-某個特定百分比」嚟計，「H按」嘅鎖息上限就會相應提高，供樓人士每月須要支付嘅金額亦都會有所增加架！
相反，若香港處於減息周期，揀用「H按」嚟供樓，就可以用低過「封頂息率」或者鎖息上限嘅利率去供樓喇。
金管局住宅按揭統計調查結果
由於近月拆息一直高企，部分銀行嘅「H按」計劃封頂位甚至高過「P按」計劃嘅實際按揭息率，所以多咗按揭申請人唔揀「H按」，轉揀「P按」。根據2023年1月份金管局住宅按揭統計調查結果，「H按」選用比例按月跌0.1%，去到67.4%；而P按佔比就升咗3.2%，去到29.2%，連升7個月，兼創埋4年新高添。不過，隨住近排銀行下調番「H按」嘅封定息率，揀「H按」嘅比例未來或者會升返都唔定呢～
想知道而家揀「H按」定其他按揭計劃先係最好？即刻搵利嘉閣按揭代理傾吓啦！
延伸閱讀：按揭成數點計先最抵？按揭新手懶人包 ─ 按揭成數篇
延伸閱讀：【按揭新手懶人包】高成數按揭保險篇 ( 新按保/ 原按保計劃)
買樓前必要知的按揭申請流程：【按揭新手懶人包】 ─ 按揭流程篇
利嘉閣選擇揭開與坊間關係銀行的中介，是最大的不同，是有很多複雜的部分/曲折離奇的案例，我們都排除萬萬，出盡100%戰鬥力幫手！
利嘉閣按揭轉介熱線：2836 6121 / 2836 6183
WHATSAPP : 5662 2730
Email: mortgage@ricacorp.com
利嘉閣‧按揭易APP 提供一站式按揭服務及資訊，集「按揭計算機」、按揭轉介申請及免費預先評估於一身，助您輕鬆完成按揭流程。
下載 利嘉閣按揭易 app 無需露面，可做免費按揭預先評估：
IOS user: http://apple.co/1Nbxhzo
Android user: http://bit.ly/1IJhbJb
