美斯成功帶領阿根廷捧走今屆世界盃，同時獲得金球獎，名正言順成為傳奇「球王」，眾多球迷們終於可直呼「我最想見到嘅畫面出現了」！
有人歡喜有人愁，法國隊嘅麥巴比即使拎到今屆世界盃金靴獎，喺頒獎台上仍難掩一臉失望嘅愁容。其實佢只係23歲啫，仲有大把機會嘅，而且佢出色嘅球技都已經令到佢成為咗今屆世界盃身價最高嘅球員，佢目前一個人嘅身價已等於部分國家整隊球員身價總和嘅幾倍。可見球員之間嘅收入喺表現、經驗、年齡、傷患及商業考慮等因素下，差距係有幾咁大。
其實有好多工種都同樣係收入唔固定，只要好景嘅時候識得「斬埋落雨柴」，都唔係啲咩大問題嚟；不過，如果講到做按揭嘅話，入息唔固定就要小心喇。
因為業主想成功申請物業按揭貸款，係需要通過「壓力測試」嘅，銀行會用申請人嘅「入息」去評估申請人係咪有足夠能力還款。而申請人嘅收入固唔固定、以邊種形式收取，都有可能影響到按揭批核。
何謂「固定受薪」？年尾有花紅又點計？
「固定受薪」即係每月出糧戶口有存入「固定」嘅金額。
另外，僱傭合約列明嘅「雙糧」同「花紅」，都可以除開12個月嚟計算入「固定受薪」之內。
「固定受薪」嘅申請人只要提交到入息證明、銀行出糧戶口紀錄、糧單及稅單，通過壓測，基本上就無咩問題。
靠「佣金」或自僱嘅人士唔算「固定受薪」？
但要留意，若只有「佣金」收入，就算每個月收取嘅金額相同；又或者自己開公司創業，然後每月固定出糧畀自己，呢兩種情況都唔當做「固定受薪」，所以唔符合申請90%按揭嘅要求，最高只能申請80%按揭。
仲有部分工種，喺難以提供糧單及稅單嘅情況下，未能滿足按揭保險公司嘅基本入息證明要求，申請高成數按揭嘅難度都會較高。例如，以現金出糧嘅「建築工程」從業員，同埋「的士司機」，因為佢哋通常唔會每日將收入定時定候儲入銀行，比較難證明自己嘅收入情況。
「非固定受薪」人士申請按揭時，有咩要特別注意？
不過咁，都唔係完全無辦法嘅，其實部分銀行會根據市況訂立內部指引，為的士司機進行月薪估算。而現金出糧嘅申請人，都可以嘗試同僱主商量，由現金轉為自動轉帳出糧，以拿取出糧戶口證明。
況且銀行都唔會一刀切拒絕晒所有「非固定收薪」人士嘅申請，只係要求申請人提供嘅入息證明，會由普遍嘅三個月增加到六個月，甚或一、兩年，再計算申請人平均收入去做評估。
有啲銀行甚至會畀申請人以「資產水平」代替「入息」嚟做審查，資產包括銀行存款、股票、基金、本身持有物業嘅價值等等。
「非固定受薪」人士可申請「高成數按揭」嗎？
若「非固定受薪」人士想再進一步爭取高成數按揭，或者需要搵擔保人。而擔保人必須係直系親屬，並同住喺按揭單位內。仲要留意，計埋擔保人嘅收入後，係咪真係過到壓測，亦要留意擔保人係咪「固定受薪」、年齡(超過60歲較難獲批高成數按揭)、信貸狀況同埋有無按揭在身。
若對自己同擔保人嘅入息狀況符唔符合「固定受薪」定義，或者能否申請90%按揭有疑問，即刻搵我哋利嘉閣按揭專員傾吓啦！
延伸閱讀：按揭成數點計先最抵？按揭新手懶人包 ─ 按揭成數篇
延伸閱讀：【按揭新手懶人包】高成數按揭保險篇 ( 新按保/ 原按保計劃)
買樓前必要知的按揭申請流程：【按揭新手懶人包】 ─ 按揭流程篇
利嘉閣選擇揭開與坊間關係銀行的中介，是最大的不同，是有很多複雜的部分/曲折離奇的案例，我們都排除萬萬，出盡100%戰鬥力幫手！
利嘉閣按揭轉介熱線：2836 6121 / 2836 6183
WHATSAPP : 5662 2730
Email: mortgage@ricacorp.com
利嘉閣‧按揭易APP 提供一站式按揭服務及資訊，集「按揭計算機」、按揭轉介申請及免費預先評估於一身，助您輕鬆完成按揭流程。
下載 利嘉閣按揭易 app 無需露面，可做免費按揭預先評估：
IOS user: http://apple.co/1Nbxhzo
Android user: http://bit.ly/1IJhbJb
